Տպել
Եվրամիությունը ազատվել է Ռուսաստանից գազի և նավթի մատակարարումներից կախվածությունից։ Այս մասին Գերմանիայի կանցլեր Օլաֆ Շոլցի հետ համատեղ մամուլի ասուլիսում հայտարարել է Եվրահանձնաժողովի նախագահ Ուրսուլա ֆոն դեր Լեյենը։
«Եվրոպայի կախվածությունը ռուսական նավթի և գազի մատակարարումներից այժմ անցյալում է: Ռուսաստանը 8 ամսում 80%-ով կրճատեց գազի արտահանումը դեպի Եվրոպա: Միասին մենք կարողացանք դա փոխհատուցել քրտնաջան աշխատանքի միջոցով: Իհարկե, օգնեցին լավ ընկերները, այնպիսիք, ինչպիսիք են ԱՄՆ-ն և Նորվեգիան, որոնք մեզ աջակցում էին հեղուկ և խողովակաշարային գազի մատակարարումների հարցում»,- նշել է ֆոն դեր Լեյենը։
Նրա խոսքով, Մոսկվան ձգտում էր քանդել ԵՄ համախմբվածությունը՝ նվազեցնելով համայնքի երկրներին էներգիայի մատակարարումները։ «Հակառակը եղավ»,- հավելել է եվրոպացի պաշտոնյան։
