Տպել
Մոսկվայի մետրոպոլիտենի «Կիևյան» կայարանում դեռահասին հրել են ռելսերի վրա, Telegram-ում հաղորդել է քաղաքի տրանսպորտի վարչությունը:
«Մետրոպոլիտենի հերթապահի տեղեկություններով՝ ուղեւորը ողջ է, նրան հրած օրինախախտը բերման է ենթարկվել»,- ասվում է հրապարակման մեջ։
Ինչպես պարզաբանել են մայրաքաղաքի դատախազությունից, տուժածը 15-ամյա դեռահաս է, նրան կյանքին վտանգ չի սպառնում։
Տղային ռելսերի վրա է հրել 1961 թվականին ծնված մի տղամարդ։ ՌԻԱ Նովոստիի աղբյուրի փոխանցմամբ՝ նա գրանցված է նյարդահոգեբուժական դիսպանսերում։
Նշվում է, որ կասկածյալը բերման է ենթարկվել։ Հարուցվել է քրեական գործ՝ «Սպանության փորձ» հոդվածով։
