Տպել
Ռուս երգիչ Ավրաամ Ռուսոն հետազոտվել է Մոսկվայի կլինիկաներից մեկում՝ նախկինում ծանր վիրահատության հետ կապված, գրում է «Комсомольская правда»-ն։
Նրա խոսքով՝ մեկ տարի առաջ երակային շունտավորման վիրահատության է ենթարկվել։ Վիրաբույժները խցանված տարածքի շուրջ երկու երակ են կապել։
«Ոչ ոք չցանկացավ նման բարդ վիրահատություն անել եւ որեւէ երաշխիք տալ։ Բայց եղավ մեկ բժիշկ, ով համաձայնեց», – կիսվել է Ռուսոն: Նա հավելել է՝ վիրահատությունից հետո վիրաբույժն իրեն ասել է, որ այն համարում է անհաջող։
Ռուսոն շարունակել է բուժումը. նա հետեւել է բժիշկների խորհուրդներին։ Այժմ հետազոտության ժամանակ պարզվել է, որ վիրահատությունից հետո երակը գործում է, եւ բորբոքումն անցել է։
