Բեն Աֆլեքի նախկին կինը բացատրել է, թե ինչու չի կարդում դերասանի մասին լուրերը

Դերասանուհի Ջենիֆեր Գարները բացատրել է, թե ինչու չի կարդում իր նախկին ամուսնու՝ Բեն Աֆլեքի մասին լուրերը։ Այս մասին հայտնում է Mirror-ը՝ Stellar Magazine-ին հղումով։

Ջենիֆեր Գարներն ասել է, որ չի հետևում ոչ իր, ոչ էլ նախկին ամուսնու՝ Բեն Աֆլեքի մասին լուրերին:

«Ես մեծ ջանքեր եմ գործադրում, որ մեզանից ոչ մեկին չտեսնեմ մամուլում։ Ես վատ եմ զգում, եթե նույնիսկ մեզանից մեկի մասին լավ բան է գրվում։ Ես պարզապես փորձում եմ մոռանալ, որ գոյություն ունեմ ինչ-որ տեղ լրատվամիջոցներում, ինչպես նաև բոլոր նրանք, ում սիրում եմ: Ես չեմ ուզում, որ իմ ընտանիքից որևէ մեկը մեմ դառնա»,- ասել է նա։

Հարցին, թե արդյոք Գարները տեսել է Աֆլեքի մեմերը, նա բացասական պատասխան է տվել: «Չնայած վստահ եմ, որ նա բավականին արժանի է մեմերի, այո»,-  ծիծաղել է դերասանուհին:

Ջենիֆեր Գարներն ու Բեն Աֆլեքն ամուսնացել են 2005 թվականին, իսկ 2015 թվականին հայտարարել են իրենց բաժանման մասին։ Ամուսնալուծությունը պաշտոնականացվել է 2018թ.: Նախկին ամուսիններն ունեն երեք երեխա՝ 17-ամյա Վիոլետ Էննը, 14-ամյա Սերաֆինա Ռոուզ Էլիզաբեթը և 11-ամյա Սամուելը։

Բեն Աֆլեքն ամուսնացել է Ջենիֆեր Լոպեսի հետ 2022 թվականի հուլիսին։