Տպել
Լիվերպուլում մեկնարկել է «Եվրատեսիլ 2023»-ի երկրորդ կիսաեզրափակիչ փուլը։ Հայաստանի ներկայացուցիչ Բրյունետը րոպեներ առաջ ավարտեց իր ելույթը մրցույթի շրջանակում։ Երգչուհին հանդես է գալիս 2-րդ համարի ներքո։
Հայաստանի ներկայացուցչի օգտին քվեարկելու համար հարկավոր է մրցույթի ընթացքում հայտարարված քվեարկության ժամանակ 02 թիվն ուղարկել Ձեր երկրում առանձնացված կարճ համարին: Հայաստանից հնարավոր չի լինի քվեարկել հայ մասնակցի օգտին։
«Եվրատեսիլում» Հայաստանի ներկայացուցչի օգտին, սակայն, հնարավոր է քվեարկել նաեւ մրցույթին չմասնակցող երկրներից:
Հարկավոր է մուտք գործել www.esc.vote կայք և համոզվել, որ ձեր բանկային ու հեռախոսային քարտերը միջազգայնորեն ճանաչված են: Օրինակ՝ եթե ցանկանում եք քվեարկել ԱՄՆ-ից, ապա ձեր բանկային և հեռախոսային քարտերը պետք լինեն ամերիկյան:
Մեկ բանկային քարտից կարող եք քվեարկել միանգամից 20 անգամ: Սա նշանակում է, որ եթե ցանկանում եք 20 ձայն տալ Հայաստանի օգտին, ապա դա պետք է միանգամից անել, քանի որ մեկ քարտով հնարավոր չէ երկրորդ անգամ քվեարկել:
Այս ձեւով արված քվեարկությունը դիտարկվելու է որպես մեկ երկրից ստացված ձայն:
