Տպել
Աղն օրգանիզմին անհրաժեշտ մթերք է, որը սննդին նաև համ է հաղորդում։ Սակայն աղը մեծ քանակով օգտագործելու դեպքում մեծանում է հիպերտոնիայի և սիրտ-անոթային հիվանդությունների զարգացման հավանականությունը։ Likeni.info-ն ներկայացրել է, թե որոնք եք աղի շատ օգտագործման նշանները։ Հարկավոր է ուշադրություն դարձնել նշաններին, որոնք ուղարկում է օրգանիզմը՝ առողջության հետ կապված լուրջ խնդիրներից խուսափելու համար։
Անհագ ծարավ
Սննդում մեծ քանակով աղի օգտագործումը մեծ քանակով ջուր է պահանջում՝ ծարավը հագեցնելու համար։ Երբ շատ աղ եք օգտագործում, օրգանիզմն անում է ամեն ինչ՝ հավասարակշռությունը վերականգնելու համար։ Դա է պատճառը, որ ցանկանում եք շատ ջուր խմել։ Իհարկե, այս նշանը կարող է նաև այլ պատճառներ ունենալ, այդ թվում՝ շաքարային դիաբետ և աղտոտված շրջակա միջավայր։
Այտուցներ
Մեծ քանակով աղի օգտագործումը կարող է այտուցների առաջացման պատճառ դառնալ։ Այդ կերպ օրգանիզմը ձգտում է պահպանել հեղուկը, որն իր հերթին՝ կուտակվում է օրգանիզմում։ Այտուցները կարող են հայտնվել մարմնի տարբեր հատվածներում, բայց ավելի հաճախ հայտնվում են դեմքին, ձեռքերին, ոտքերին։
Թթու ուտելու ցանկություն
Թթու մթերք ուտելու ցանկությունը կարող է ևս մեկ նշան լինել, որը վկայում է աղի շատ օգտագործման մասին։
Բարձր ճնշում
Զարկերակային բարձր ճնշումը հիմնական նշաններից մեկն է, որը կապված է աղի օգտագործման հետ։ Իսկ բարձր ճնշումն անխուսափելիորեն կապված է սիրտ-անոթային և երիկամային հիվանդությունների զարգացման հետ, որոնք աշխարհում մահացության հիմնական պատճառներից են։ Դա նաև հոգնածություն, կրկնվող գլխացավեր է առաջացնում։ Երկար ժամանակ մեծ քանակով աղ օգտագործելը կարող է նաև հանգեցնել օստեոպարոզի, սրտի և երիկամների հիվանդությունների առաջացման։
Նյութը հրապարակման պատրաստեց 168.am-ը
