Տպել
Մեծ Բրիտանիայի նախկին վարչապետ Բորիս Ջոնսոնը կդառնա բրիտանական Daily Mail թերթի նոր սյունակագիրը: Այս մասին հայտնում է Politico պարբերականը ՝ հղում անելով իր աղբյուրներին:
Ինչպես նշում է պարբերականը, ավելի վաղ՝ հունիսի 16-ին, Daily Mail-ն առաջին էջում հայտնել է, որ վաղվանից թերթում կսկսի աշխատել նոր սյունակագիր:
Երեք տարբեր աղբյուրներ հաստատել են, որ today’s Mail-ի առաջին էջում հայտնված նոր սյունակագիրը Ջոնսոնն է։
Politico-ի աղբյուրը մանրամասնում է, որ Ջոնսոնին «վեցանիշ գումար» են խոստացել շաբաթական սյունակ վարելու համար:
Պարբերականը շեշտում է, որ դա նախկին վարչապետին հիանալի հարթակ է տալիս, որտեղից նա կարող է քննադատել Թագավորության ներկայիս վարչապետ Ռիշի Սունակին:
