Տպել
Դիետոլոգ, Դիետոլոգների ազգային միության անդամ Նատալյա Կրուգլովան պատմել է, թե ինչպես սնվել շոգ եղանակին։ Մասնագետը նշել է, որ արժե սահմանափակել կոֆեին պարունակող ըմպելիքների օգտագործումը, քանի որ դրանք կարող են ջրազրկման պատճառ դառնալ։
Բժշկի խոսքով՝ օրական մեկ-երկու բաժակ սուրճը բավական կլինի։
«Ավելի լավ է սուրճը կաթով խմել, որպեսզի ավելի քիչ խտացված ըմպելիք լինի։ Արժե ներառել ըմպելիքներ, որոնք կլրացնեն ջրային հավասարակշռությունը՝ սովորական ջուր, հանքային՝ այն կպարունակի լրացուցիչ միկրոէլեմենտներ, ըմպելիքներ՝ մրգային հյութերի ավելացումով: Համեղ լինելու համար կարող եք ավելացնել անանուխ և ռեհան»,- ասել է նա RT-ին տված հարցազրույցում:
Դիետոլոգը նաև խորհուրդ է տվել սննդակարգում ներառել բանջարեղենն ու մրգերը՝ աղցանի և սառը ապուրների տեսքով, ինչպես նաև չմոռանալ սպիտակուցային մթերքների աղբյուրների մասին՝ կաթնամթերք, ձուկ, թռչնամիս։
«Հիշեք կանոնավոր կերակուրները. երբեմն շոգ եղանակին մարդը չի ցանկանում ուտել ամբողջ օրը, իսկ երեկոյան արդեն բավական ընդգծված քաղց է զգում, և շատ ուտելու վտանգ կա»,- ասել է մասնագետը։
Կրուգլովան նշել է, որ շոգին ավելի լավ է հրաժարվել յուղոտ մսից ու երշիկեղենից։ Քանի որ այս ժամանակահատվածում աղիքային վարակների վտանգը մեծ է, սնունդը պետք է պահել սառնարանում։ Պատրաստի մթերք գնելիս լավ կլինի, որ ճաշատեսակը պատրաստվի անմիջապես օգտագործելուց առաջ, եզրափակել է սննդաբանը։
