Հայտնի է դարձել Իլոն Մասկի եւ Գրայմսի գաղտնի երեխայի մասին

Այ սա նորություն է։ Վերջերս հայտնի դարձավ, որ Իլոն Մասկը Գրայմսին թույլ չի տալիս տեսնել իր երեխաներին, իսկ այսօր տեղեկություններ են հայտնվում զույգի գաղտնի երրորդ երեխայի մասին։

Business Insider-ը հայտնում է, որ նախկին սիրահարներն ունեն երրորդ որդի, ում անունը Տեխնո Մեչանիուս է (մեզ այլեւս չի զարմացնում անուններն ընտրելու նրանց երեւակայությունը)։ Նրա տարիքը դեռ հայտնի չէ, սակայն լրագրող Ուոլթեր Այզեքսոնն այս մասին ավելին գրել է ձեռնարկատիրոջ կենսագրության մեջ, որը կթողարկվի սեպտեմբերի 12-ին։

Հիշեցնենք, որ Իլոն Մասկն ու Գրայմսը սկսել են հանդիպել 2018 թվականին՝ Twitter-ում սիրախաղ անելուց հետո: Կարճ ժամանակ անց նրանք հարվածեցին Met Gala-յի կարմիր գորգին, որտեղ կինը կրում էր Tesla-ի տարբերանշանով վզնոց: Սակայն 2021 թվականի աշնանը զույգը բաժանվեց։ «Մենք հիմա կիսաբաժանված ենք, բայց դեռ սիրում ենք միմյանց, հաճախ ենք տեսնում միմյանց ու լավ հարաբերությունների մեջ ենք», – Page Six-ին ասել էր Մասկը: Նրանք միասին մեծացնում են որդուն՝ X Æ A-XII-ին եւ դստերը՝ Exa Dark Sideræl Musk-ին։