Տպել
Քաղաքագետ Ալեն Ղևոնդյանը ֆեյսբուքյան իր էջում գրում է․ «Քանի դեռ դուք՝ «էլիտաներ», ակտիվիստներ, չգիտեմ վերլուծաբաններ, փորձագետներ, սովորական պատասխանատու ու մտածող քաղաքացիներ չեք հանգել այն մտքին, որ թշնամին է կառավարում ՀՀ, և այդ թշնամու անունը ՔՊ է և նրա ղեկավար կազմ, ապա դուք ձախողելու եք:
ՀՀ վարչապետը բառացիորեն իրականացնում է ադրբեջանական ու թուրքական էլիտաների հրահանգները. նա դա անում է շատ վաղուց, անգամ մինչ 2018-ը: Իհարկե, կան նաև այլ երկրներ, որոնք սրան մերթ ընդ մերթ հրահանգավորում են, սակայն իրավիճակը հենց այն է, ինչ ներկայացրի:
Քանի դեռ ձեզ համար այս պայքարը չի տեղափոխվել անձնական դաշտ, դուք պարտվելու եք:
Իհարկե այսքան բանից հետո դժվար է պատկերացնել, թե դա ինչպես դեռ չի տեղափոխվել անձնական դաշտ, բայց կյանքը ցույց տվեց, որ ՀՀ-ում ամենից աբսուրդ բաներից էլ ավելի աբսուրդ բաներ էլ են լինում, ու ինչ-որ փուլից հետո դա դառնում է օրինաչափություն:
Քանի դեռ ձեզ թվում է, որ սուր ելույթը, ինչ-որ խախտման բացահայտումը, նիկոլոսին ինչ-որ հարցում նեղը գցելը, ՔՊ-ին ստորացնելը և նման որակի գործողությունները արդյունավետ են, ձեզ հաճույք են պարգևում ու ձեզ թվում է, որ դուք ինչ-որ հարցում հաղթել, կրել եք, արդյունավետ հակաքայլ արել, ապա հիասթափեցնեմ ձեզ՝ ինքը թքած ունի բոլորի վրա.
էսօր սա է ասում, վաղը դիամետրալ այլ բան է ասելու, ու թքած ունի դուք իրեն կբռնեք դրա մեջ, թե՝ ոչ:
Ինքը իր խնդիրը դրած լուծում է. մի քիչ ձգձվում է, ինչ-որ ուշացումներով, բայց լուծում է, իսկ մնացյալը ոչ մի բան փաստացի չեն անում:
Մի բան էլ նիկոլը լավ գիտի, որ իր դեմ պայքարով, կամ իբր պայքարողներից որևէ մեկը մինչև վերջ գնացող չի:
Էս քաղաքապետի ընտրությունների ժկ էլ ասեմ. ով ինչքան ուզում է արադարացի քվե ստանա էլ, պետք է հաղթի Ավինյանը, հակառակ դեպքում Երևանը քաղաքապետ չի ունենա:
Ասեմ ավելին, անգամ քիչ քվեների պարագայում նրանք պլանավորումներ ունեն, ու քանի որ գիտեն, որ որևէ մեկը մինչև վերջ չի գնալու, ինչ ուզեն, դա էլ կանեն:
Մենք դիտորդ ենք դարձել մեր երկրի կործանման հարցում, սա է խնդիրը, իսկ մնացյալը զուտ հետևանք:
Գրառումս թող տպավորություն չստեղծի, որ իմաստ չունի գնալ ընտրության, հակառակը՝ պարտադիր պետք է գնալ ու քվերակել, բայց հետո էն մտքով, որ քվեիդ տեր լինես, ոչ թե ասես, ես քվեարկեցի, մնացյալը իմ գործը չի:
Էս ա: ամեն բան շատ պարզ ու հասարակ: Ուժով կպահես, երկիրը, կլինես, չես պահի՝ քեզ կոչնչացնեն:
Ի դեպ, երբ վիլայաթացումը ավարտվի, դուք կտեսնեք, թե քպ-ականները ինչ որակի երիտթուրքեր են, ու ինչ կարգի են հայ տեսակի դեմ տեղերում աշխատելու՝ Եժովն ու Յագոդան զարմացած կմնային»:
