Տպել
Սերժ Թանկյանը ամերիկյան DW News-ի հետ զրուցել է Արցախում կատրվածի, ադրբեջանական ագրեսիայի ու արցախցիների բռնի տեղահանման մասին։
Հաղորդավարը հետարքրվել է՝ արդյոք Արցախում կատարվածը զարմացրե՞լ է երաժիշտին։ «Ինձ համար սա զարմանալի էր, քանի որ ԵՄ-ն, ԱՄՆ-ն եւ Հայաստանի շատ գործընկերներ վստահում էին Ադրբեջանի դիկտատոր նախագահ Ալիեւին, որը խոստացել էր, որ ռազմական ճնշում չի գործադրի Լեռնային Ղարաբաղի բնակչության վրա, բայց նա ստեց։ Հիմա էլ ստում են ու ասում, թե մարդիկ իրենց սեփական տները լքում են իրենց իսկ կամքով։ Բայց ինչպե՞ս կարող ես հազարավոր տարիներ ապրել քո հայրենիքում եւ թողնել տունդ, գործդ, այն ամենը, ինչ ստեղծել ես, եթե դրա համար չլինի պատճառ։ Սա վիրավորկան է»,-պատասխանել է Թանկյանը։
Հաղորդավարը նշել է, որ իրենք չեն կարողացել լրագրողներ ուղարկել Լեռնային Ղարաբաղ, որպեսզի պարզեին, ինչ էր իրականում կատարվում այնտեղ։ Նա նաեւ մեջբերել է Թանկյանի այն միտքը, որ այնտեղի հայերը ենթարկվում են ցեղասպանության եւ հարցրել՝ ինչ է կարծում՝ որքանո՞վ կարող էին նրանք ապահովագրված լինել Արցախում մնալու դեպքում։
«Նայեք նրանց սեփական քաղաքացիներին։ Նրանք ապրում են մի երկրում, որտեղ իրենց իսկ իրավունքները պաշտպանված չեն։ Մի քանի լրագրող ու պատմաբաններ վերջերս ձերբակալվել են, որովհետեւ բարձրաձայնել են անարդարությունների մասին։ Այնպես որ, եթե հայերին էլ պետք է այդպես վերաբերվեն, դա ոչինչ չի կարող երաշխավորել։ Մենք խոսում ենք մի բռնապետության մասին, որն իր նավթն օգտագործում է Եվրոպայի վրա ճնշում գործադրելու համար»,-պատասխանել է երաժիշտը։
