Տպել
5 տարի՝ առանց Շառլ Ազնավուրի… Աշխարհի ամենաազդեցիկ ու նշանավոր հայերից մեկը՝ լեգենդար երաժիշտն ու անմնացորդ հայրենասերը, կյանքից հեռացել է 2018 թ-ի հոկտեմբերի 1-ին՝ 94 տարեկան հասակում՝ որպես ժառանգություն թողնելով իր տարիների չքնաղ երաժշտությունն ու մի մեծ կարոտ, որը զգում են թե մաեստրոյի ընտանիքի անդամները, թե Հայաստանն ու Ֆրանսիան, թե ամբողջ աշխարհում նրա երաժշտության սիրահարները:
Ազնավուրի հարսը՝ Քրիստինա Ազնավուրը, Instagram-ում կիսվել է 2016 թ-ին՝ Հայաստանում արված լուսանկարներով։ Հրապարակմանը կից նա գրել է.
«5 տարի է անցել քո հեռանալուց: Այդ պահից ի վեր աշխարհը դադարեց նույնը լինել: Գիտեմ՝ քո կյանքում դու շատ սարսափելի բաներ ես տեսել, եւ ինձ հետաքրքիր է՝ ինչպե՞ս ես կարողացել պահպանել այսքան հույս եւ սեր կյանքի հանդեպ: Առանց քեզ անցկացրած այս տարիների ընթացքում բոլորս, ասես, որբացած լինենք, հատկապես՝ հայ ազգը, որը քեզ հետ կորցրել է իր ամենահզոր ձայնը, որի կարիքը մենք այդքան ունենք…»:
