Կլիմայի ակտիվիստները կարմիր ներկով փչացրել են Պիկասոյի նկարը

Կլիմայի ակտիվիստները Լիսաբոնում հարձակվել են Պաբլո Պիկասոյի պատմական կտավի վրա, գրում է Vozpopuli-ն։

Զոհը Պաբլո Պիկասոյի Femme dans un fauteuil (Մետամորֆոզ) գործն էր՝ MAC/CCB Ժամանակակից արվեստի թանգարանում:

1929 թվականի արվեստի գործը, որը պաշտպանված էր ապակիով, վնասվել էր կարմիր ներկի շիթից, որը նետել էին երկու ակտիվիստներ, որոնք հետո նստել են հատակին և ներկով ներկված ձեռքերը սեղմել են պատին:

«Մեռած մոլորակի վրա արվեստ չկա». այսպես էր Climáximo խմբի երկու ակտիվիստների կարգախոսը։

Խումբը նշել է, որ «կառավարություններն ու ընկերությունները պատերազմ են հայտարարել մարդկանց ու մոլորակին»։ Նրանք իսպանացի նկարչի նկարի իրենց ընտրությունը հիմնավորել են Երկրորդ համաշխարհային պատերազմի ժամանակ նրա պատմած պատմությամբ:

«Երբ գերմանացի զինվորները մտել են Պիկասոյի արվեստանոց Փարիզում, որտեղ նա ապրում էր Երկրորդ համաշխարհային պատերազմի ժամանակ, և տեսել են Գերնիկան՝ պատերազմի սարսափները պատկերող հայտնի գործը, նրանք հարցրին են. «Դո՞ւ ես արել դա»: Նա պատասխանել է. «Ոչ: Դուք եք արել դա»,- ընդգծել են ակտիվիստներն իրենց հրապարակման մեջ։