Տպել
Արքայազն Հարրին հրաժարվում է դիտել «Թագը» սերիալի նոր եթերաշրջանը, որը պատմում է իր մոր՝ արքայադուստր Դիանայի ողբերգական մահվան մասին, հայտնում է Page Six-ը՝ հղում անելով աղբյուրներին։
Netflix-ի հիթային սերիալի վերջին եթերաշրջանը ներկայացնում է Դիանայի վերջին օրերը՝ կինոպրոդյուսեր Դոդի Ֆայեդի հետ սիրավեպից մինչեւ նրանց մահը՝ 1997 թվականի օգոստոսի 31-ին Փարիզում տեղի ունեցած ավտովթարից։
Հանգուցյալ արքայադուստրը (որին մարմնավորում է Էլիզաբեթ Դեբիկին) որոշ տեսարաններում տարօրինակ կերպով պատկերված է որպես ուրվական, որը զրուցում է իր նախկին ամուսնու՝ արքայազն Չարլզի (Դոմինիկ Ուեսթ) եւ թագուհու՝ Էլիզաբեթի (Իմելդա Սթոնթոն) հետ։ Ֆայեդը (Խալիդ Աբդալլահ) նույնպես վերադառնում է որպես ուրվական։
Սերիալում ներկայացված է նաեւ Դիանայի եւ Հարրիի վերջին խոսակցությունը, ով մոր մահվան պահին 12 տարեկան էր։
«Սերիալի առաջիկա դրվագների զգայուն բովանդակության պատճառով արքայազն Հարրին որոշել է չդիտել այս եթերաշրջանը»,-ասել է աղբյուրը:
