Տպել
Մերձմոսկովյան Նոգինսկ քաղաքում 17-ամյա դեռահասը մահացել է iPhone-ի լիցքավորման մալուխից հոսանքահարվելու հետևանքով, այս մասին հաղորդում են ռուսական մի շարք լրատվամիջոցներ՝ հղում անելով Mash տելեգրամյան ալիքին։
Աղբյուրի փոխանցմամբ՝ դեպքից առաջ փետրվարի 27-ի երեկոյան Ալեքսեյը (անունը փոխված է) հեռախոսով զրուցել է ընկերուհու հետ՝ միաժամանակ սարքը լիցքավորելիս է եղել։ Աղջիկը պատմել է, որ տղան հանկարծակի բղավել է, ինչից հետո նրա հետ կապը կորել է։ Դրանից հետո աղջիկը չի կարողացել կապ հաստատել Ալեքսեյի հետ։
Հաջորդ առավոտյան երիտասարդի մարմինը հայտնաբերել է մայրը՝ ականջից գրեթե մինչև ուսը ծանր այրվածքով։ Նշվում է, որ վառված բարձի վրա եղել է նրա iPhone-ը՝ միացված լիցքավորիչին, որը փաթաթված է եղել պլաստմասե մեկուսիչ ժապավենով։
Դեպքի մասին այլ մանրամասներ, ներառյալ այլ գործոններ, որոնք կարող էին ազդել միջադեպի վրա, չեն նշվում:
Աղբյուրը նշում է, որ iPhone-ի օգտատերերը հաճախ են իրենց սմարթֆոնի լիցքավորման մալուխները փաթաթում պլաստմասե ժապավենով, քանի որ դրանք ամուր չեն։ Որպես կանոն, մալուխը արագ քայքայվում և կոտրվում է, ինչի պատճառով էլ ի վերջո փչանում է։
