Տպել
1889թ-ի ամառային մի երեկո Արթուր Կոնան Դոյլը եւ Օսկար Ուայլդը Լոնդոնի «Լանգհամ» հյուրանոցում ճաշեցին ամերիկացի գործարար եւ Lippincott ամսագրի խմբագիր Ջեյ Մ. Ստոդդարտի հետ։
Հեռանալուց հետո Ուայլդը պարտավորվեց հանձն առնել «Դորիան Գրեյի դիմանկարը», իսկ Կոնան Դոյլը համաձայնվեց գրել «Չորսի նշանը»՝ Շերլոկ Հոլմսի մասին իր ամենահայտնի պատմվածքներից մեկը։
Կոնան Դոյլի նամակները, որոնք պատմում են այդ ճակատագրական ընթրիքի մասին, եւ «Չորսի նշանը» գրքի նրա միակ ձեռագիրը, գրական այլ գանձերի հետ միասին, աճուրդի կհանվեն Նյու Յորքի Sotheby’s-ում:
Ակնկալվում է, որ միայն ձեռագիրը կվաճառվի 1,2 միլիոն դոլարով՝ հաշվի առնելով դրա եզակի նշանակությունը եւ կարգավիճակը՝ որպես Կոնան Դոյլի՝ աճուրդում երբեւէ առաջարկված ամենաթանկարժեք իրը, ասվում է Sotheby’s-ի հայտարարության մեջ:
«Դժվար է մտածել իրարից այդքան տարբեր երկու ժամանակակից հեղինակների մասին, ինչպիսիք են Կոնան Դոյլը եւ Օսկար Ուայլդը»,-CNN-ին ասել է աճուրդի տան գրքերի եւ ձեռագրերի միջազգային ավագ մասնագետ Սելբի Քիֆերը,-«Եվ, այնուամենայնիվ, նրանք միասին նստել են ճաշի սեղանի շուրջ եւ խոսել այն մասին, թե ինչի շուրջ են աշխատում: Այսպիսով, դուք հայտնվում եք այն ժամանակվա միջավայրը, եւ դա, իսկապես, օգնում է հասկանալ ձեռագրի ծագումն ու ստեղծումը, ինչը շատ հազվադեպ է լինում»։
«Չորսի նշանը» Կոնան Դոյլի երկրորդ վեպն է Շերլոկ Հոլմսի մասին, որը պատվիրվել է Ստոդդարտի կողմից:
Ձեռագիրը ներկայացնում է հավաքածուի միայն մի մասը, որը հավաքել էր բժիշկ Ռոդնի Պ. Սվանտկոն՝ Չիկագոյի հայտնի կոլեկցիոներներից մեկը, որը մահացել է երկու տարի առաջ:
Աճուրդը տեղի կունենա Նյու Յորքում՝ հունիսի 26-ին։
