Տպել
Տունը, որտեղ տեղի են ունեցել «Տանը մենակ» ֆիլմի նկարահանումներն Իլինոյս նահանգի Ուինետկա քաղաքում, վաճառքի հանվելուց կարճ ժամանակ անց գնորդ է գտել: «Արմենպրես»-ի փոխանցմամբ՝ այս մասին հաղորդում է Wate պարբերականը։
Տունը վաճառքի է հանվել մայիսի 24-ին, 5,25 մլն դոլարով, իսկ մայիսի 31-ին հայտարարվել է, որ վաճառողն ու գնորդը պայմանագիր են կնքել, սակայն գործարքի կայացման համար դեռ որոշակի պայմաններ պետք է կատարվեն։
Դրսից տունը դեռ որոշակիորեն պահպանում է ՄաքՔալիստերների տան արտաքին տեսքը, սակայն ներսից այն լիովին փոխվել է։
Տունը կառուցվել է 1921 թվականին, իսկ 2018 թվականին այն ամբողջովին վերանորոգվել և ընդլայնվել է։ Այժմ տան մակերեսը կազմում է 9126 քառ. ֆուտ (մոտավորապես 848 քառ. մ.)։ Տունն ունի հինգ ննջասենյակ, վեց լոգասենյակ, նկուղ, երեք ավտոմեքենայի համար նախատեսված ավտոտնակ, մարզասրահ, կինոթատրոն, բասկետբոլի փակ խաղահրապարակ։
Տունը երկրորդ անգամ է վաճառվում 1990 թ. «Տանը մենակ» ֆիլմի թողարկումից հետո։ 2012 թ. այն գնվել է 1,58 մլն դոլարով այն դեպքում, երբ վաճառքի էր հանվել 2,4 մլն դոլարով։
