Տպել
Նոր Զելանդիայում կինը դատի է տվել բոյֆրենդին այն բանի համար, որ նա իրեն օդանավակայան չի տարել, ինչպես նախատեսված էր, եւ փչացրել է ընկերների հետ նրա հանդիպումը համերգից առաջ։
Նրա խոսքով՝ բոյֆրենդն առաջարկել է իրեն օդանավակայն տանել, բայց չի եկել, ինչի պատճառով կինն ուշացել է չվերթից։ Կինը հավաստիացրել է, որ տղան խախտել է բանավոր պայմանավորվածությունը, եւ քանի որ նա չի կարողացել ժամանակին հասնել օդանավակայան այլ միջոցներով, ստիպված է եղել տոմս գնել հաջորդ օրվա համար, որպեսզի հանդիպի ընկերների հետ, ինչպես եւ նախատեսված էր։
Բացի այդ, տղամարդը համաձայնել էր խնամել նրա շներին կնոջ բացակայության ժամանակ, բայց չի արել նաեւ դա, եւ կինն ստիպված է եղել վճարել նրանց ապաստարանի համար։
Հայցում մանրամասն նկարագրված են բազմաթիվ այլ ծախսեր, այդ թվում ավտոբուսով օդանավակայան հասնելու ծախսը։
Կինը նաեւ փոխհատուցում է պահանջել լաստանավի տոմսի համար, որը նա գնել էր տղայի համար մեկ այլ առիթով, եւ որի համար նա փողը չէր վերադարձրել։
Սակայն դատարանին չեն համոզել նրա փաստարկներն ու ծախսերը։ Դատարանը նշել է, որ «զուգընկերները, ընկերներն ու գործընկերները սոցիալական համաձայնություն են կնքում, բայց քիչ հավանական է, որ դրանք իրավաբանական ուժ ունենան», եթե միայն չլինեն ապացույցներ, որ կողմերը մտադրվել են իրավաբանորեն պարտավորեցնող համաձայնություն կնքել։ Արդյունքում՝ հայցը մերժվել է։
