![](https://blog.168.am/wp-content/uploads/2024/07/103054.jpg)
Քիմ եւ Քլոե Քարդաշյանները «գրավում են» Հնդկաստանը. քույրերը ժամանել են Մումբայ՝ Անանտ Ամբանիի եւ Ռադհիկա Մերչանտի շքեղ հարսանիքին: Երկու քույրերն էլ արարողությանը կրել են հնդկական ավանդական զգեստներ:
43-ամյա Քիմը Instagram-ի Stories-ում կիսվել է իր տեսքով՝ ցուցադրելով կարմիր զգեստը, որը փայլուն է եւ զարդարված է ուլունքավոր ասեղնագործությամբ: Դրա վերնամասից կախված էին կախազարդեր ու ժապավեններ։ Skims-ի հիմնադիրը կերպարն ամբողջացրել էր կարմիր շալով: Քիմը կրում էր երկու վզնոց՝ հսկայական ադամանդե կաթիլներով եւ համապատասխան ապարանջան, որի վրա ամրացված էր մատանին։
Քլոեն կրում էր նույնքան ապշեցուցիչ լեհենգա՝ սպիտակ եւ ոսկեգուն երանգներով՝ զարդարված մարգարիտներով եւ ասեղնագործությամբ: Նա նաեւ ընտրել էր ոսկյա եւ ադամանդե վզնոց ու կերպարը լրացրել համապատասխան գլխազարդով:
Քարդաշյաններին շքեղ հարսանիքին միացել են այլ հայտնի հյուրեր, այդ թվում՝ Նիք Ջոնասը, Պրիյանկա Չոպրան, Ջոն Սինան եւ Բոլիվուդի մի շարք աստղեր: