Հենրիխ Մխիթարյանը վերսկսել է մարզումները

Հայաստանի ազգային հավաքականի կիսապաշտպան Հենրիխ Մխիթարյանը «Մենչեսթեր Յունայթեդ»-ի կազմում վերսկսել է մարզումները:  Այդ մասին հաղորդում է Manchester Evening News-ը:

Անգլիական ակումբի գլխավոր մարզիչ Ժոզե Մոուրինյոն փետրվարի 16-ին հայտարարել էր, որ Մխիթարյանը Եվրոպայի լիգայի խաղարկության շրջանակում ֆրանսիական «Սենտ Էտիեն»-ի հետ մրցավեճը բաց է թողել մրսածության պատճառով:

Ակնկալվում է, որ Մխիթարյանը կկարողանա մասնակցել Անգլիայի Գավաթի 1/8 եզրափակչի՝ «Բլեքբերնի» հետ փետրվարի 19-ին կայանալիք հանդիպմանը։