Տպել
Նյու Յորքի քաղաքային համալսարանի և այլ գիտական հաստատությունների ամերիկացի գիտնականները պարզել են, որ որոշ բացասական հույզեր ուժեղացնում են հոգեկան կառուցվածքի արգելակող գործընթացները՝ օգնելով մարդուն ավելի լավ տիրապետել իրեն: Հետազոտությունը հրապարակվել է Cognition & Emotion (CognEmo) գիտական հանդեսում:
Ճանաչողական արգելակում են անվանում ընթացիկ առաջադրանքին առնչություն չունեցող տեղեկությունն ու խթանիչները զտելու ունակությանը:
Գիտնականների թիմի բացահայտումները հիմնված են չորս փորձերի արդյունքների վրա, որոնցում հատուկ ընտրված պատկերների միջոցով մասնակիցներին տարբեր հուզական վիճակների՝ տխրության, վախի, երջանկության կամ հանգստության մեջ են դրել:
Թեստերի ընթացքում մասնագետները չափել են կամավորների ֆիզիոլոգիական ռեակցիաները, ինչպես նաև առաջադրանքները կատարելուց հետո հարցուփորձ են արել նրանց վերապրած զգացմունքների մասին։
Թեստի արդյունքները ցույց են տվել, որ տխրությունն ու վախը ինչպես մյուս բացասական, այնպես էլ դրական զգացմունքների համեմատ ավելի մեծ ճանաչողական արգելակում են առաջացնում:
Գիտնականները ենթադրել են, որ հույզերի վերացմանը կողմնորոշված փորձարկվողները ավելի լավ են վերահսկում իրենք իրենց, քան մերձեցման կողմնորոշում ունեցող հույզերը (օրինակ՝ զայրույթը կամ ուրախությունը):
