Տպել
«Եթե ինքը գիտեր այդ քաղբանտարկյալների տեղը, մի անգամ պետք է արտահայտվեր իր իշխանություն եղած ժամանակ»,- այսօր ԵԿՄ համագումարից հետո լրագրողների հետ զրույցում ասաց ԵԿՄ նախագահ Մանվել Գրիգորյանը՝ խոսելով պաշտպանության նախկին նախարար Սեյրան Օհանյանի կողմից արված այն հայտարարության մասին, թե Հայաստանում կան քաղբանտարկյալներ:
Մ. Գրիգորյանի համար անհասկանալի է Ս. Օհանյանի ներկայիս վարքագիծը. «Քաղբանտարկյալներ միշտ էլ եղել են ամեն տեղ՝ քաղաքական հայացքների համար, կամ հելել են՝ ռևոլյուցիա են ուզեցել անեն: Երբ անկախ պետականություն ենք ունեցել, տարբեր ժամանակներում տարբեր մարդիկ եղել են, եթե հակառակ են խոսում, նշանակում է… Իսկ եթե ինքը գիտեր այդ քաղբանտարկյալների տեղը, մի անգամ պետք է արտահայտվեր իր իշխանություն եղած ժամանակ: Էս մի քանի օրվա մեջ են եղե՞լ քաղբանտարկյալներ, թե՞ միշտ կային, ինքը իր ասածներին հակասում է: Ես իրեն իմ մարտական ընկեր եմ համարում: Նմանատիպ մարդիկ, պետության պատասխանատու մարդիկ, երբ սկսում են պետությունից դժգոհել, ես դժվարանում եմ հասկանալ, որովհետև նրանք պետական գաղտնիքները գիտեն, լավ ու վատ կողմերը գիտեն: Եթե այդ ամեն ինչը կարային անեին, թող էն ժամանակ բարձրաձայնեին»:
Նաև հավելեց. «Նման մարդիկ «յադերնի նասիտելներ» են: Պետական պատասխանատու մարդիկ երբ սկսում են պետությունից դժգոհել, դժվարանում եմ հասկանալ: Այդ մարդիկ պետական անվտանգությունը գիտեն, գաղտնիքները…»,-անդրադառնալով Օհանյանի՝ իշխանությանը դեմ լինելու մասին հայտարարությանը, ասաց Մանվել Գրիգորյանը:
Անի Քեշիշյան
Մանրամասները՝ 168.am-ի տեսանյութում:
