Տպել
Իլոն Մասկը, ով հայտնի է իր հավակնոտ նախագծերով, կարծում է, որ Մարսը կդառնա «Նոր աշխարհ» երկրացիների համար, հենց որ մարդկությունն այնտեղ գաղութ ստեղծի։ Այս գաղափարը, որն արտահայտվել է X հարթակի (նախկին Twitter-ում) գրառման մեջ, ամրապնդում է Մասկի ավելի լայն տեսլականը՝ Կարմիր մոլորակը մարդկային քաղաքակրթության ինքնաբավ կենտրոնի վերածելու մասին:
«Մարսը կկոչվի «Նոր աշխարհ», ինչպես Ամերիկան անցյալ դարերում: Ի՜նչ ոգեշնչող արկածախնդրություն», – գրել է նա։
Ինչո՞ւ հենց Մարսը
Մասկը երկար ժամանակ Մարսը համարում է մարդկության «պահուստային ծրագիր»՝ այն անվանելով գիտակցության երկարաժամկետ գոյատևման համար կարևոր նշանակություն ունեցող: Նրա կարծիքով՝ Երկիրը շատ փխրուն է, և, հետևաբար, կարևոր է ստեղծել ինքնավար գաղութ, որը կարող է պահպանել քաղաքակրթությունը համաշխարհային աղետների դեպքում։
«Երկիրը գեղեցիկ է, բայց փխրուն։ Մեզ պահուստային ծրագիր է պետք»,- վերջերս ասել է Մասկը։
Եվ Մարսն է, որ նա տեսնում է որպես մարդկության հաջորդ սահմանը:
SpaceX պլան. Ճանապարհ դեպի Մարս
Մարսի ապագա գաղութացման նախագծում առանցքային դեր է խաղում SpaceX-ի կողմից մշակված Starship հրթիռը, որը կարող է տեղափոխել մինչև 100 ուղևոր: Մասկը հայտարարել է հինգ անօդաչու առաքելությունների մասին, որոնք առաջիկա երկու տարվա ընթացքում ռեսուրսներ և սարքավորումներ կբերեն Մարս: Օդաչուների առաջին առաքելությունը նախատեսված է 2030-ականների սկզբին։
Մասկը նախատեսում է նաև օգտագործել հենց մոլորակի ռեսուրսները ենթակառուցվածքների կառուցման համար, ինչը կնվազեցնի կախվածությունը Երկրից և կարագացնի գաղութի ստեղծումը։
Քննադատություն և թերահավատություն
Ինչպես եւ սպասվում էր, ոչ բոլորն են կիսում Մասկի լավատեսությունը։ Աստղաֆիզիկոս Նիլ դե Գրաս Թայսոնը կասկածի տակ է դրել Մարսի գաղութացման մեջ ներդրումների վերադարձը և այս նախագծի կենսունակությունը:
Մասկը, իր հերթին, պաշտպանում է իր ծրագիրը.
«Օհո, նրանք իսկապես չեն հասկանում: Մարսը կարևոր է գիտակցության երկարաժամկետ գոյատևման համար»,- գրել է նա X-ում:
