Քիմ Քարդաշյանին քննադատել են քաղաքական դիրքորոշման համար

Քիմ Քարդաշյանը քննադատության է ենթարկվել իր քաղաքական դիրքորոշման համար։ Այս մասին հայտնում է Daily Mail-ը։

Քիմ Քարդաշյանը Instagram-ում լուսանկար է հրապարակել, որտեղ Մելանյա Թրամփն ամուսնու՝ Դոնալդ Թրամփի երդմնակալության արարողությանը մուգ վերարկուով և լայնեզր գլխարկով է։ Մոդելի երկրպագուները կարծում են, որ նա այդպիսով հայտարարում է իր աջակցությունը ԱՄՆ 47-րդ նախագահի քաղաքականությանը։ Համացանցի օգտատերերը քննադատել են ռեալիթի հեռուստաաստղին իր դիրքորոշման համար։

«Քիմ Քարդաշյանը հրապարակել է Մելանյա Թրամփի լուսանկարը, ուրեմն պարզ է, թե նա ում օգտին է քվեարկել։ Նա նախկինում ձևացնում էր, թե դեմ  է, որ իր նախկին ամուսինն աջակցում է Թրամփին», -գրել են նրա հետևորդները։
Եղել են նաև այնպիսիք, ովքեր գովել են Քիմ Քարդաշյանին՝ Թրամփին աջակցելու համար։

Քիմ Քարդաշյանի նախկին ամուսինը՝ ռեփեր Քանյե Ուեսթը, Դոնալդ Թրամփի ջերմեռանդ կողմնակիցն է։ Անցած ամառ երգիչը կնոջ՝ Բիանկայի հետ մասնակցել է քաղաքական գործչին աջակցող ցույցին։