Տպել
Շքեղ հսկաների ճակատամարտում, այս պահի դրությամբ, հաղթողը Hermès-ն է:
Ֆրանսիական նորաձեւության տան շուկայական կապիտալիզացիան հասել է 276,3 միլիարդ դոլարի՝ գերազանցելով LVMH Möet Hennessy Louis Vuitton SE-ի 274,5 միլիարդ դոլարի արժեքը:
Այս ցուցանիշը Hermès-ը դարձնում է Եվրոպայում ցուցակված երրորդ խոշորագույն ընկերությունը՝ զիջելով ծրագրային ապահովման SAP SE ընկերությանը և նիհարեցնող դեղամիջոցներ արտադրող Novo Nordisk A/S-ին, հաղորդում է Bloomberg-ը:
Սա նաև տունը դարձնում է Ֆրանսիայի ամենաթանկ ընկերությունը՝ ըստ երկրի CAC40 ֆոնդային ինդեքսի, և աշխարհի ամենաթանկարժեք շքեղ ընկերությունը՝ ըստ The Wall Street Journal-ի:
Սա տեղի է ունեցել LVMH-ի առաջին եռամսյակի վատ կատարողականի ֆոնին, երբ ապրանքանիշի վաճառքները նվազել են 3 տոկոսով, ինչը ցածր է վերլուծաբանների՝ նույն ժամանակահատվածի համար 2 տոկոս աճի մասին կանխատեսումներից, հաղորդում է Reuters-ը:
Այս շուկայական արժեքը Hermès-ի համար հաղթանակ է: 2015-ին LVMH-ի գործադիր տնօրեն Բեռնար Առնոն ցնցեց շքեղ ապրանքների ոլորտը, երբ հայտարարեց, որ բաժնետոմս է ձեռք բերում Birkin պայուսակներ արտադրության մեջ, հաղորդում է Bloomberg-ը: Ի պատասխան՝ Hermès ընտանիքը միավորվեց և ի վերջո ստիպեց Ֆրանսիայի ամենահարուստ մարդուն վաճառել իր բաժնետոմսերը։
