Տպել
Գործարար Խաչատուր Սուքիասյանն «Առաջին լրատվական»-ի հետ զրույցում նշել է, որ ՀԱԿ-ին աջակցել և աջակցում է, քանի որ նրա հետ ճանապարհ է անցել:
«Ես նախկինում էլ հայտարարել եմ, որ աջակցել եմ և աջակցելու եմ՝ հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել: Սա է իրականությունը»,- ասաց Խաչատուր Սուքիասյանը:
Դիտարկմանը՝ նախընտրական այս փուլո՞ւմ էլ եք շարունակում աջակցել ՀԱԿ-ին, Խաչատուր Սուքիասյանը նկատել է. «Ես աջակցում եմ Կոնգրեսին ցանկացած հարցում՝ հաշվի առնելով այն հանգամանքը, որ իրենց հետ ճանապարհ եմ անցել»:
«Ինչ վերաբերում է «Ծառուկյան» դաշինքին, Գագիկ Ծառուկյանն իմ վաղեմի, երկար տարիների գործընկերն է, ընկերն է, և ես նրա կողքին եմ: Ինքն այդ համակարգը ստեղծել է, իր անձի շուրջ կառուցված համակարգ է, դրա համար ես հարգել եմ այն, ինչ ինքն ունի: Եվ այդ ամենը հաշվի առնելով՝ ձեռնպահ եմ մնացել»,- հավելել է նա:
Ամբողջությամբ՝ սկզբնաղբյուր կայքում:
