Տպել
Յուրաքանչյուր մարդ անկրկնելի է։ Որքան էլ փորձենք անձանց խմբերի բաժանել վարքի առանձնահատկությունների հիման վրա, աշխարհում չկան միանման մարդիկ։ Marketium.ru կայքը գրում է, որ ամեն դեպքում բնավորության որոշ գծեր նման են։ Այդ պատճառով էլ մարդու նախընտրությունների մասին իմանալով՝ կարելի է շատ բան իմանալ նաև նրա անձի, բնավորության, արժեքների մասին։ Առաջարկվում է ընտրել հետևյալ ծառերից մեկը և հասկանալ, թե որ բառն է բնութագրում ձեզ։
A – էնտուզիաստ
Ձեզ ամբողջությամբ նվիրում եք ցանկացած գործի, միշտ ավարտին եք հասցնում սկսածը։ Ընտրել եք ամենահաստ բուն ունեցող ծառը։ Դա նշանակում է, որ էնտուզիաստ եք։ Ուղիղ մարդ եք, իմպուլսիվ, ինչը երբեմն մարդկանց վանում է ձեզանից։ Բայց մտերիմները գիտեն, որ ավելի լավ ընկեր չեն կարող գտնել։ Առատաձեռն եք այն մարդկանց հանդեպ և գովաբանում եք նրանց, ովքեր իսկապես արժանի են դրան։
B – պատասխանատու
Ձեզ համար շատ կարևոր է արդարացնել այն մարդկանց հույսերը, ովքեր վստահել են ձեզ։ Ընտրել եք ծառը, որը պտուղներ ունի, ինչը ձեզ բնորոշում է՝ որպես պատասխանատվության մեծ զգացում ունեցող մարդ։ Ձեզ համար շատ կարևոր է ցույց տալ աշխատանքի վերջնական արդյունքը՝ արդարացնելով ձեզ վստահած անձանց սպասելիքները։ Կարող եք լավ ուսուցիչ դառնալ։ Բարձր հոգևոր չափորոշիչներ ունեք։ Պատասխանատվություն եք զգում ոչ միայն աշխատանքի, այլև ձեզ մտերիմ անձանց համար։ Երբեք չեք մերժի օգնել նրանց։
C – ստեղծագործ
Նոր մտքերի աղբյուր եք և անսովոր որոշումների վարպետ։ Ընտրել եք տարբեր գույներ ունեցող ծառը, ինչը ձեզ բնութագրում է՝ որպես ստեղծագործ և արտասովոր մարդ։ Ամեն ինչ տեսնում եք միանգամից մի քանի կողմից, ինչը հնարավորւթյուն է տալիս օրիգինալ լուծումներ գտնել։ Հաճախ եք ճախրում ձեր մտքերում և երևակայության մեջ՝ մտովի տեղափոխվելով մեկ՝ անցյալ, մեկ՝ ապագա։ Շատերը ձեզ ինտրովերտ են համարում, բայց մտերիմները գիտեն, որ ձեզ հետ հեշտ է և ուրախ։
D – անկախ
Սովոր եք խնդիրներն ինքնուրույն լուծել և հույս դնել միայն ինքներդ ձեզ վրա։ Ընտրել եք տարբեր դետալներ ունեցող ծառը։ Սովոր եք հասնել նպատակին։ Տրամաբանությունը լավ է զարգացած։ Մարդիկ կարծում են, թե շատ ուժեղ եք և կամակոր։ Հրաշալի ղեկավար եք։ Բայց ամենաշատ պահանջները դնում եք ինքներդ ձեր առաջ։ Մտերիմները գիտեն, որ հոգու խորքում զգացմունքային եք։
Նյութը հրապարակման պատրաստեց 168.am-ը
