Տպել
«Ազատության» «Տեսակետների խաչմերուկ» հաղորդաշարի հյուրը պաշտպանության նախարար, իշխող Հանրապետական կուսակցության նախընտրական ցուցակը գլխավորող Վիգեն Սարգսյանն է:
Պաշտպանության նախարար, իշխող Հանրապետական կուսակցության նախընտրական ցուցակը գլխավորող Վիգեն Սարգսյանը «Ազատության» «Տեսակետների խաչմերուկ» հաղորդաշարի եթերում հայտարարեց, թե մինչ Հանրապետականի նախընտրական ցուցակում հայտնվելն այնտեղ ընգրկվածներից շատերը «մեծ ճանապարհ» են անցել:
Ավելին՝ ըստ Սարգսյանի, առաջին հնգյակում տեղ գտածները մեծ հեղինակություն ունեն, ինչպես և մեծ հեղինակություն ունեն ՀՀԿ ցուցակում ընգրկված շատ այլ անձինք: Թիմը, էլիտան անընդհատ փոփոխման գործընթացում են, ինչը ժամանակի պահանջն է, ասում է Սարգսյանը: Նրա խոսքով, ընտրարշավում նախագահ Սերժ Սարգսյանը, ով նաև հանրապետականների առաջնորդն է, ամենևին էլ պասիվ չէ․ «Նրա խոսքը հնչել է ու դեռ հնչելու է»:
Սերժ Սարգսյանի հնարավոր ժառանգորդի անձին առնչվող հարցին ի պատասխան էլ, Վիգեն Սարգսյանը, մասնավորապես, նշեց․ «Փառք Աստծո, 25 տարվա ընթացքում մենք կարողացել ենք ստեղծել մի հասարակություն, որտեղ ժառանգորդներին ընտրում է ոչ թե երկրի ղեկավարը, այլ ժողովուրդը:
Վիգեն Սարգսյանը վերահաստատեց՝ ընտրություններում «հաջող արդյունքների դեպքում» հենց ներկայիս վարչապետ Կարեն Կարապետյանը կլինի երկրի վարչապետի՝ ՀՀԿ-ի թեկնածուն:
Հարցազրույցում պաշտպանության նախարարն անդրադառնում է նաև բանակին առնչվող հարցերին:
