Երեք հայ՝ աշխարհի ամենահարուստ մարդկանց ցուցակում

Ամերիկյան հեղինակավոր Forbes ամսագիրը հրապարակել է աշխարհի ամենահարուստ միլիարդատերերի ամենամյա ցուցակը։

Ցուցակում ընդգրկվել են հայկական ծագումով երեք ռուսաստանցի բիզնեսմեններ.

«Մագնիտ» ընկերության գլխավոր տնօրեն Սերգեյ Գալիցկինը (Հարությունյան) զբաղեցնում է 212-րդ տեղը  6.9 մլրդ դոլար կարողությամբ։

«Տաշիր» ընկերությունների խմբի նախագահ Սամվել Կարապետյանը 566-րդ տեղում է, նրա ունեցվածքը գնահատվում է 3.5 մլրդ դոլար։

«Ռոսգոստրախ» ընկերության նախագահ Դանիլ Խաչատուրովը 2 մլրդ դոլար կարողությամբ ցուցակի  1066-րդ տեղում է։

Աշխարհի ամենահարուստ մարդկանց ցուցակն արդեն չորրորդ անգամ գլխավորում է Microsoft-ի հիմնադիր Բիլ Գեյթսը. նրա ունեցվածքը գնահատվում  է  86 մլրդ դոլար։ Ցուցակի երկրորդ տեղում Ուոերն Բաֆեթն է, ով գլխավորում է  Berkshire Hathaway ընկերությունը։ Նրա ունեցվածքը գնահատվում է 75,6 մլրդ դոլար, իսկ Amazon-ի հիմնադիր Ջեֆ Բեզոսը երրորդ տեղում է՝ 72,8 մլրդ դոլարի կարողությամբ։