Տպել
Ֆրանսիաբնակ հայ ռեփեր Արարատ 94–ը, ով արդեն ներկայանում է Robby el sol կեղծանվամբ և պարուհի, մոդել Անուշիկ Մանուկյանը ամուսնացել են 2015 թվականի հոկտեմբերին։
Ամուսնությունից հետո Ֆրանսիայում բնակության հաստատած զույգի ընտանիքում ուրախալի նորություն կա, որի բացառիկ անդրադարձը նրանք վստահել են Tert.am Life-ին։
Ռոբերտը հայտնեց, որ իրենց ընտանիքը շուտով համալրվելու է փոքրիկ անդամով։ Անուշիկը հղիության վերջին շրջանում է։ Մինչև այս զույգը խնամքով թաքցրել է ընտանիքի համալրման լուրը։
«Անբացատրելի զգացողություններ ունեմ։ Մինչև հիմա չեմ պատկերացնում, որ հայր եմ դառնալու»,– ոգևորությամբ նշեց հայրը։
Զույգի ընտանիքում մանկան ճիչը կլսվի մեկ ամսվա ընթացքում։ Փոքրիկը կծնվի Ֆրանսիայում։ Ապագա հայրիկը նշեց, որ արդեն պարզել են փոքրիկի սեռը` սիրելին իրեն որդի է պարգևելու։
«Անուշիկն իրեն լավ ու թեթև է զգում, ամեն ինչ լավ է։ Աստծո հաջողությամբ, ամեն ինչ լավ կլինի»,– նշեց Ռոբերտը։
Ամբողջությամբ՝ life.tert.am
