Տպել
Սանկտ Պետերբուրգի մետրոյի տեսանկարահանման սարքերն արձանագրել են տեղի ունեցած պայթյունի հնարավոր կազմակերպչին:
Այս մասին տեղեկացնում է Interfax-ը: «Մետրոյի տեսախցիկներն արձանագրել են պայթյունի հնարավոր կազմակերպչին»,- գործակալությանը փոխանցել է իրավիճակին ծանոթ աղբյուրը:
Պայթյուն է որոտացել Սանկտ Պետերբուրգի մետրոյի կայարաններից մեկի գնացքի վագոնում: Իրավապահ մարմիններում ՏԱՍՍ-ի աղբյուրը հայտնել է, որ նախնական տվյալներով զոհվել Է 10 մարդ, տուժել մոտ 50-ը: Արտակարգ պատահարի վայրում աշխատում են փրկարարները և իրավապահ մարմինների աշխատակիցները:
ՌԴ նախագահ Վլադիմիր Պուտինը տեղեկացված է Սանկտ Պետերբուրգի մետրոյի գնացքի վագոնում տեղի ունեցած պայթյունի մասին: Նա արդեն ցավակցել է զոհերի հարազատներին: Պայթյունից հետո փակվել են Սանկտ Պետերբուրգի մետրոյի յոթ կայարաններ: Պետերբուրգի մետրոյի կայարանից, որտեղ տեղի է ունեցել պայթյունը, կատարվում է տարհանում, այդ թվում՝ թունելից:
ՀՀ ԱԳՆ-ն ճշտում է պայթյունի արդյունքում տուժածների թվում հայերի կամ ՀՀ քաղաքացիների առկայությունը:
