Երևան-Սևան-Իջևան ճանապարհին վթարից գրեթե բոլոր տուժածների վիճակը գնահատվում է կայուն
Advertisement 1000 x 90

Երևան-Սևան-Իջևան ճանապարհին վթարից գրեթե բոլոր տուժածների վիճակը գնահատվում է կայուն

Դիլիջանի թունելի հարևանությամբ ապրիլի 10-ին  տեղի ունեցած խոշոր վթարի հետևանքով վիրավորներից մեկի վիճակը գնահատվում է ծանր, մյուս 12-ինը` կայուն: Այս մասին ասացին «Տավուշ» բժշկական կենտրոնից:

«Մեր հիվանդանոց տեղափոխվել է 10 մարդ, և բոլորի վիճակը գնահատվում է կայուն»,- ասացին Բ/Կ-ից:

Սևանի բժշկական կենտրոն տեղափոխված 3 տուժածներից երկուսի վիճակը կայուն է, մյուսինը` ծանր:

«Մեր հիվանդանոցից տուժածները ռեանիմոբիլով արդեն տեղափոխվել են Երևանի բժշկական կենտրոններից մեկը»,- ասաց բ/կ-ի տնօրեն Գայանե Էլիզբարյանը:

Ապրիլի 10-ին, ժամը 8.30-ի սահմաններում, Երևան-Սևան-Իջևան ճանապարհի 78-րդ կմ-ին իրար են բախվել «Դեյվու կորանդո» և «Ֆոլքսվագեն քրաֆթեր» մակնիշի ավտոմեքենաները:

Մեքենաների բախման հետևանքով 13 մարդ մարմնական վնասվածքներով տեղափոխվել են հիվանդանոց: