Հայաստանում մեկնարկել է ՈՒԵՖԱ-ի Զարգացման մրցաշարը

Ապրիլի 18-ին ՀՖՖ Տեխնիկական կենտրոն/Ֆուտբոլի ակադեմիայում մեկնարկել է ՈՒԵՖԱ-ի Զարգացման մրցաշարը, որը Հայաստանում անցկացվում է առաջին անգամ:

Այս մասին հայտնում է ՀՖՖ-ի պաշտոնական կայքը:

Խաղային առաջին օրվա առաջին խաղում մրցել են ՆՀՀ Մակեդոնիայի և Վրաստանի մինչև 14 տարեկանների հավաքականները:

ՆՀՀ Մակեդոնիայի հավաքականը հաղթել է 2:0 հաշվով:

Ժամը 13:00-ին կմեկնարկի մինչև 15 տարեկանների հավաքականների մրցաշարը: Առաջին խաղում կմրցեն ՆՀՀ Մակեդոնիայի և Ուզբեկստանի հավաքականները:

Ժամը 14:30-ին կկայանա Հայաստան Մ-14-Բելառուս Մ-14 հանդիպումը:

Խաղային առաջին օրը կեզրափակվի մինչև 15 տարեկանների մրցաշարի Հայաստան-Կիպրոս մրցավեճով, որը կմեկնարկի 16:30-ին:

armsport.am