Տպել
Ռոբ Քարդաշյանը և Բլեք Չայնան հայտնեցին իրենց ապագա երեխայի սեռը՝ աղջիկ։ Սա Չայնայի երկրորդ ծննդաբերությունն է։
Չայնան հայտարարել է, որ արագ վերականգնվելու համար, երիտասարդությունը պահպանելու համար ծննդաբերությունից հետո ուտելու է երեխայի ընկերքը:
Նորաձև այս միտումը պնդում է, թե ընկերքը պետք է օգտագործել որպես կենսաբանական ակտիվ հավելում սննդի մեջ։
Նշենք, որ մարդկությանը վաղուց է հայտնի ընկերքը սննդի մեջ օգտագործելու պրակտիկան։ Կենսական ուժերը վերականգնելու նման մեթոդը կարելի է ավանդական անվանել չինական բժշկության համար:
Չայնան արմատներին է վերադառնում: Չինաստանում հարյուրամյակներ շարունակ այն կերել են գրեթե բոլորը։ Այդ նույն նպատակով կամ օրգանիզմի երիտասարդեցման համար այն օգտագործում են նաև Ճապոնիայում և Վիետնամում։ Այնպես որ ոչ մի մարդակերության մասին խոսք լինել չի կարող։
Իսկ այժմ մի փոքր գիտական ինֆորմացիա: Ընկերքը սաղմնային օրգան է, որը սերտ «միացած» է արգանդի պատին։ Այն կնոջ օրգանիզում ձևավորվում է բեղմնավորումից մեկ շաբաթ անց։ Ընկերքն անհրաժեշտ է սաղմի սնուցումն ու շնչառությունն ապահովելու համար։ Դրա միջոցով պտուղը տարբեր հակամարմիններ է ստանում, այն պաշտպանում է երեխային հարվածներից և մեխանիկական ազդեցությունից։ Դրա հետ մեկտեղ ընկերքի միջոցով պտուղը մորն է «վերադարձնում» իր կենսագործունեության բոլոր արգասիքները։
0.45-0.8 կգ քաշով ընկերքը պտղի թաղանթի հետ դուրս է գալիս ծննդկանի օրգանիզմից երեխայի լույս աշխարհ գալուց հետո։ Ընկերքը հարուստ է երկաթով, սպիտակուցներով, վիտամիններով։
