Հայաստանում սպասվում է անձրև և ամպրոպ

Հայաստանի տարածքում այսօր՝ մայիսի 1-ին սպասվում է առանց տեղումների եղանակ, մայիսի 2-5-ը՝ գիշերը և կեսօրից հետո, շրջանների մեծ մասում սպասվում է անձրև և ամպրոպ, առանձին վայրերում հնարավոր է կարկուտ:

Քամին կլինի հարավ-արևմտյան՝ 3-8 մ/վ, ամպրոպի ժամանակ սպասվում է քամու ուժգնացում մինչև 15-20 մ/վ:

Օդի ջերմաստիճանն էապես չի փոխվի:

Երևան քաղաքում մայիսի 1-ին սպասվում է առանց տեղումների եղանակ, 2-5-ը՝ գիշերը և կեսօրից հետո, սպասվում է անձրև և ամպրոպ, ամպրոպի ժամանակ սպասվում է քամու ուժգնացում մինչև 15-18 մ/վ: Առավելագույն ջերմությունը Երևանում կդիտվի մայիսի 1-ին՝ 26-28 աստիճան։