Տպել
Փոլ Մաքքարթնին և Ռինգո Սթարն այցելել են The Beatles լիվերպուլյան լեգենդար քառյակի մասին վավերագրական ֆիլմի պրեմիերային։ Այս մասին հայտնում է Reuters-ը։ Ցուցադրությունը տեղի է ունեցել Լոնդոնում։
«Բիթլզ. Շաբաթական 8 օր. Շրջագայության տարիներ» ֆիլմը խմբի համերգային գործունեության մասին է։ Ռեժիսորը «Օսկարի» դափնեկիր Ռոն Հովարդն է։
Ինչպես պատմել է Հովարդը, իրեն օգնել են ոչ միայն Մաքքարթնին և Սթարը, այլև Ջոն Լենոնի և Ջորջ Հարիսոնի այրիները՝ Յոկո Օնոն և Օլիվիա Հարիսոնը։ Նրանք նույնպես ներկա են եղել պրեմիերային։ Ռեժիսորի խոսքով՝ ինքը ֆիլմի վրա աշխատել է 2 տարի, իսկ այժմ տխրում է նախագծից կտրվելու համար։
Պրեմիերան հավաքել էր հարյուրավոր հանդիսականների։ Միջոցառմանը ներկա են եղել նաև երգչուհի Մադոննան, երաժիշտներ Էրիկ Կլեպտոնն ու Լիամ Գալահերը։
