Մխիթարյանի վիճակագրությունն ու գնահատականը Արսենալի հետ խաղում

«Whoscored.com»-ը ներկայացրել է անգլիական «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանի վիճակագրությունն ու գնահատականը Պրեմիեր լիգայի 36-րդ տուրի` «Արսենալի» հետ խաղում:

Հիշեցնենք, որ այդ խաղում 2:0 հաշվով հաղթանակ են տարել «զինագործները»: Մխիթարյանը խաղադաշտ է դուրս եկել մեկնարկային րոպեներից և փոխարինվել 60-րդ րոպեին:

Մխիթարյանը մրցակցի դարպասին հարված չի կատարել: Դարձել է 31 փոխանցման հեղինակ 83,9 տոկոս ճշգրտությամբ: 28-ամյա կիսապաշտպանը «Արսենալի» հետ խաղում մեկ անգամ հաջող խաբք է կատարել, գնդակը մրցակցից խլել է 1 անգամ և այն որսացել 3 անգամ:

Մխիթարյանը խախտում չի կատարել, մեկ անգամ հայտնվել է խաղից դուրս վիճակում: Նրա դեմ պայքարում մրցակիցը խախտել է կանոնները 3 անգամ:

Արդյունքում, Մխիթարյանը ստացել է 6,51 գնահատականը, իսկ Ժոզե Մոուրինյուի գլխավորած թիմում լավագույն ֆուտբոլիստ է ճանաչվել Խուան Մատան (6, 87):

armsport.am