Ռեալի բողոքարկումը մերժվել է. Նաչոն չի մասնակցի Սելտայի հետ խաղին

Մադրիդի «Ռեալի» պաշտպան Նաչո Ֆերնանդեսը չի կարող մասնակցել Իսպանիայի առաջնության 21-րդ տուրի հետաձգված` «Ռեալի» և «Սելտայի» միջև կայանալիք հանդիպմանը,- տեղեկացնում է «Marca»-ն:

Ըստ աղբյուրի` ֆուտբոլիստը 5-րդ դեղին քարտն է ստացել 37-րդ տուրի` «Սևիլիայի» (4:1) հետ խաղի ընթացքում և որակազրկվել է մեկ խաղով:

«Ռեալը» փորձել է բողոքարկել որոշումը, սակայն Արքայական Իսպանիայի ֆուտբոլի ֆեդերացիայի կարգապահական կոմիտեն հրաժարվել է չեղարկել որակազրկումը:

Հիշեցնենք, որ «Սելտա»-«Ռեալ» հանդիպումը կկայանա մայիսի 17-ին:

Ընթացիկ մրցաշրջանում Նաչոն մասնակցել է 38 հանդիպման, դարձել 3 գոլի և 4 գոլային փոխանցման հեղինակ:

armsport.am