Տպել
«Զվարթնոց» օդանավակայանում գտնված զարդերով լի պայուսակի տերը հայտնվել է, դիմել ոստիկանությանը և հիմնավորել, որ գտնված զարդերը պատկանում են իրեն:
Հիշեցնենք, որ «Զվարթնոց» միջազգային օդանավակայանի մեկնման սրահում մայիսի 17-ին օդանավակայանի ավիացիոն անվտանգության տեսուչը գտել էր կնոջ սև գույնի պայուսակ, որի մեջ եղել են պատկառելի քանակի զարդեր (ըստ երևույթին՝ մեծամասամբ ոսկյա), երկու ժամացույց և այլ թանկարժեք իրեր:
ՀՀ ոստիկանության հասրակայնության հետ կապերի և լրատվության վարչությունից մեր հարցին ի պատախան ասացին, որ պայուսակի տերը հենց նույն օրը՝ մայիսի 17-ին, ներկայացել է ոստիկանություն և ետ վերցրել զարդերը:
Մեր ճշտող հարցին, թե ինչպե՞ս են համոզվել, որ հենց նա է ոսկյա զարդերի տերը, ոստիկանությունից պատասխանեցին, որ հիմնավորվել է, տերը ապրանքները ճանաչել և վերցրել է դրանք:
