Տպել
«Մանչեսթեր Յունայթեդի» գլխավոր մարզիչ Ժոզե Մոուրինիոն պահանջներ է ներկայացրել «Ռեալին» Դավիդ Դե Խեայի ձեռքբերման համար: Պորտուգալացի մասնագետը դարպասապահի համար պահանջում է 75 մլն եվրո, բայց պատրաստ է իջեցնել գինը մինչև 25 մլն, եթե գործարքի մեջ ներառվի «Ռեալի» հարձակվող Ալվարո Մորատան:
Ինչպես հայտնում է Marca-ն, Մոուրինիոն Իսպանիայի հավաքականի հարձակվողի համար 50 մլն եվրոն համարում է խելամիտ գին, բայց «Ռեալը» ֆուտբոլիստին գնահատում է 70-75 մլն եվրո:
«Ռեալը» պրակտիկորեն ձեռք էր բերել Դավիդ Դե Խեային 2015 թվականին, բայց գործարքը չկայացավ մանկունյանցիների կողմից փաստաթղթերն ուշ ուղարկելու պատճառով:
Ալվարո Մորատան ավելի վաղ բանավոր համաձայնության է հասել «Միլանի» հետ:
Պատրաստեց Անի Գաբուզյանը
