Հայաստան-Սենթ Քիթս և Նևիս հանդիպումը կսպասարկի վրացական մրցավարական անձնակազմը

Հունիսի 4-ին կայանալիք Հայաստան-Սենտ Քիթս և Նևիս ընկերական հանդիպումը կսպասարկի մրցավարական անձնակազմը Վրաստանից:

Այս մասին հայտնում է ՀՖՖ-ի պաշտոնական կայքը:

Գլխավոր մրցավարն է Լաշա Սիլագավան, մրցավարի օգնականներն են Դավիթ Չիգոգիձեն և Լևան Տոդրիան:

Հանդիպման չորրորդ պաշտոնյան է Գևորգ Եղոյանը Հայաստանից:

Հիշեցնենք՝ Հայաստան-Սենտ Քիթս և Նևիս ընկերական խաղը կկայանա Վ. Սարգսյանի անվան «Հանրապետական» մարզադաշտում և կմեկնարկի ժամը 20:00-ին: