Հայաստանի հավաքականը դժգույն և ոչ մարտունակ խաղով ջախջախվեց Մոնտենեգրոյում

Աշխարհի 2018 թվականի առաջնության որակավորման փուլի 6-րդ տուրում Հայաստանի հավաքականը հյուրընկալվել էր Մոնտենեգրոյի ընտրանուն:

Մեր ազգային թիմը պարտվեց 1:4 հաշվով:

Խաղի հաշիվը բացվել էր մեկնարկից 2 րոպե անց. առաջին գոլը խփել է Բեչիրայը:

28-րդ րոպեին Ստեֆան Յովետիչը կրկնապատկել է հաշիվը. առաջին խաղակեսն ավարտվեց 2:0 հաշվով:

54-րդ րոպեին Յովետիչը դուբլ ձևակերպեց, իսկ 82-րդ րոպեին ֆանտաստիկ գոլով նաև հեթ-տրիկ:

Նախավերջին րոպեին Ռուսլան Կորյանը կարողացավ մեր ընտրանու միակ գոլը խփել: Արդարության համար պետք է նշել, որ Կորյանը փոխանցում ստանալիս խաղից դուրս վիճակում էր:

Այս պարտությունից հետո Արթուր Պետրոսյանի գլխավորած Հայաստանի ազգային թիմը E խմբում 6 միավորով նախավերջին՝ 5-րդ տեղում է: Մոնտենեգրոն ունի 10 միավոր և 2-րդն է:

armsport.am