Տպել
Մեծ Բրիտանիայի մայրաքաղաքի Grenfell Tower բարձրահարկ բնակելի տանը բռնկած հրդեհի պատճառը կարող էր անսարք սառնարանը լինել: Այս մասին հայտնել է Daily Mail թերթը:
Հրատարակությունը վկայակոչում է հրդեհից ողջ մնացածներից մեկի հարևանուհու խոսքը: Նա հայտնել է, որ «իր սառնարանը պայթել է» այն բանից առաջ, երբ բոցը պատել է 24-հարկանի շենքը, որտեղ շուրջ 120 ընտանիք էր ապրում:
«Այդ ամենը տեղի է ունեցել հենց նրա աչքի առաջ: Նա խիստ զարմացել է, թե ինչ արագ է տարածվել կրակը»,- մեջբերում է թերթը 38-ամյա Սամիրա Լամրանիի խոսքը: Լոնդոնի հրշեջ ծառայությունում միևնույն ժամանակ վաղաժամ են համարում պատահարի որևիցե վարկած հայտնելը: Մայրաքաղաքի ոստիկանության տվյալներով՝ հրդեհի հետևանքով զոհվել է վեց մարդ: Ըստ որում չի բացառվում, որ զոհերի թիվն աճի:
Daily Mail-ն իր հերթին տեղեկացնում է, որ կարող էին զոհվել տասնյակ մարդիկ:
