Տպել
«Շնորհակալ եմ ուշադրության և իմ երջանկությունը կիսելու համար. ես ու փոքրիկներս շատ լավ ենք»,- life.panorama.am-ի հետ զրույցում վստահեցրեց Գայանեն ու շարունակեց.
«Զգացողություններն անբացատրելի են, մեր երջանկությանը չափ չկա»:
Մեր նկատառմանը, թե մայր կոչմանը արժանանլն ի՞նչ նոր զգացողությոթւններ է իր հետ բերում, նորաթուխ մայրիկը նշեց.
«Գիտեք, նախկինում էլ ինձ երջանիկ եմ համարել, բայց հիմա հասկանում եմ, որ համեմատելի չէ այն ու այսօրվա ապրածս երջանկությունը: Հիմա ես ամենակարևորն ունեմ»:
Երկվորյակ քույրերը նման չեն իրար, Գայանեի խոսքով՝ նրանք տարբեր պարկերում են զարգացել, և հետևաբար, միմյանց նմանություններ չունեն.
«Մեր աղջիկները կարծես թե չեն նեղացրել մայրիկին ու հայրիկին և հավասարապես մեկն ինձ է նման, մյուսը՝ հայրիկին»,- հավելեց նա:
«Ես ու ամուսինս քննարկեցինք, հարմարեցրինք հայրանվան ու ազգանվան հետ և ի վերջո որոշեցինք նրանց կոչել Էվա և Էլլա, որոնք թե իրար լրացնող, թե ժամանակակից անուններ են»,- նշեց նա:
Երկվորյակների խնամքի հարցում Գայանե Փայտյանը շատ օգնողներ ունի.
«Իհարկե, հիմնական ծանրաբեռնվածությունը ես ու ամուսինս կկրենք, բայց մեզ կօգնեն նաև տատիկները և քույրս: Դրանք հաճելի հոգսեր են լինելու, ու թեև ասում են, որ երկվորյակ մեծացնելը հեշտ չէ, բայց ինձ դժվարությունները չեն վախեցնում: Ի դեպ՝ այս ընթացքում չեմ հեռանա ոչ հեռուստաընկերությունից, ոչ մանկավարժական իմ գործունեությունից, միայն որոշ ժամանակ ավելի թեթև զբաղվածությամբ կաշխատեմ»,- ընդգծեց մայրիկը:
Գայանե Փայտյանը դեռևս չգիտի, թե բժիշկները, երբ նրանց թույլ կտան տուն գնալ, սակայն երջանիկ մայրիկը վստահեցրեց, որ տանն աղջիկների համար ամեն ինչ պատրաստ է:
Ամբողջությամբ՝ life.panorama.am
