Սամվել Գասպարյանը` աշխարհի երիտասարդական առաջնության բրոնզե մեդալակիր

Տոկիոյում ընթացող ծանրամարտի աշխարհի երիտասարդական առաջնությունում տղամարդկանց 105 կգ քաշային կարգում Սամվել Գասպարյանը երկամարտի 365 կգ արդյունքով բրոնզե մեդալ է նվաճել:

Այս մասին հայտնում է ՀԱՕԿ-ի պաշտոնական կայքը:

Գասպարյանը նաև փոքր արծաթե մեդալի է արժանացել հրում վարժությունում (205 կգ):

Հայ ծանրորդը պոկում վարժությունում 6-րդն է (160 կգ):

Աշխարհի առաջնության չեմպիոն է դարձել իրանցի Ռեյզա Բեյրալվանդը (երկամարտ` 369 կգ):

Վաղը` առաջնության վերջին օրը, հանդես կգան Սիմոն Մարտիրոսյանը (+105 կգ քաշային կարգ) և Արփինե Դալալյանը (+90):

armsport.am