Տպել
Հարվարդի համալսարանի ուսանողներին դիպլոմների շնորհման արարարողության ժամանակ ելույթով հանդես է եկել նաև Facebook սոցիալական ցանցի հիմնադիր Մարկ Ցուկերբերգը։ Fortune.com-ը գրում է, որ Ցուկերբերգն իր ելույթի ընթացքում անդրադարձել է տարբեր թեմաների, սկսած իր կարիերայից՝ մինչև գլոբալ հարցեր, ինչպիսիք են վտանգները, որոնք աշխատաշուկայի համար առաջացնում են ավտոմատացված տեխնոլոգիաները։
1. Նպատակն այն զգացում է, որ դու որևէ մեծ բանի մաս ես, քան ինքդ, մի բան, որի կարիքն ունես ինքդ, որը կարող ես ավելի լավը դարձնել։ Նպատակն է իրական երջանկություն ստեղծում։
2. Արդեն իսկ գոյություն ունեին մեծ տեխնոլոգիական ընկերություններ, որոնք հսկայական ռեսուրսներ ունեին։ Ես ենթադրում էի, որ դրանցից մեկը կանի դա։ Բայց գաղափարը շատ պարզ էր՝ բոլորը ցանկանում են կապված լինել միմյանց հետ։ Եվ մենք պարզապես սկսեցինք գնալ դեպի նպատակի իրականացում։ Ես գիտեմ, որ յուրաքանչյուրդ կունենաք ձեր պատմությունը, որը նման է իմ պատմությանը։ Դուք կնկատեք ինչ-որ բան, որ կարելի է փոխել աշխարհում, և կմտածեք, որ որևէ մեկը ևս կանի դա։ Բայց նա չի անի։ Կանեք դուք։
3. Գաղափարները պատրաստի տեսքով չեն գալիս։ Դրանք հստակ են դառնում միայն այն ժամանակ, երբ սկսում ենք աշխատել դրանց վրա։ Դուք պարզապես պետք է սկսեք։
4. Գաղափարը, որն առաջանում է՝ որպես ոգեշնչում, վտանգավոր սուտ է։ Այդ ստերեոտիպը մեզ ստիպում է ոչ ադեկվատ զգալ։ Դա լավ մտքեր ունեցող անձանց թույլ չի տալիս սկսել գործել։
5. Իդեալիստ լինելը լավ է, բայց պատրաստ եղեք, որ ձեզ կարող են չհասկանալ։ Ցանկացած մարդու, ով մեծ տեսլականներ ունի, մի օր կարող են խելագար անվանել, նույնիսկ, եթե նա ճիշտ է։ Ցանկացած մարդու, ով աշխատում է բարդ խնդիրների համակարգի հետ, կարող են մեղադրել դրանց ոչ ամբողջական ընկալման մեջ՝ չնայած անհնար է ամեն ինչ նախօրոք իմանալ։ Ցանկացածի, ով նախաձեռնողականություն է ցուցաբերում, կարող են քննադատել այն բանի համար, որ նա ինչ-որ բան շատ արագ է անում, որովհետև միշտ կա մեկը, ով ցանկանում է, որ դուք ավելի դանդաղ շարժվեք։
6. Մենք հաճախ ավելին չենք անում, քանի որ վախենում ենք սխալ թույլ տալ։ Բայց եթե մենք ոչինչ չենք անում, մենք արհամարհում ենք այն, որ որոշ բաներ սխալ են։ Իրականությունն այն է, որ ամենը, ինչ մենք անում ենք, ապագայում բախվելու է խնդիրների։ Բայց դա մեզ ետ չպիտի պահի ինչ-որ բան սկսելուց։
7. Ամենամեծ հաջողությունները ձեռք են բերվում սխալ թույլ տալու ազատության արդյունքում։
8. Եթե չկարողանաք ձեր մտքերը պատմականորեն կարևոր նախաձեռնության վերածել, մենք բոլորս կպարտվենք։ Մեր հասարակությունը գերագնահատում է հաջողության հասնելը, մենք բավարար քայլեր չենք կատարում, որպեսզի յուրաքանչյուրը հնարավորություն ունենա մի քանի անգամ փորձել որևէ բան անել։
9. Բոլորս էլ կարող ենք ժամանակ գտնել՝ որևէ մեկին օգնության ձեռք մեկնելու համար։ Եկեք յուրաքանչյուրին հնարավորություն տանք ձգտելու սեփական նպատակին ոչ միայն այն պատճառով, որ դա ճիշտ է, այլև այն պատճառով, որ որքան մարդիկ կարողանան մեծ բաների մասին երազել, այնքան լավ կլինի մեզ համար։
10. Փոփոխությունները տեղերում են սկսվում։ Նույնիսկ գլոբալ փոփոխությունները փոքր բաներից են սկսվում՝ մեզ նման մարդկանցից։ Մեր սերնդի համար ավելի մեծ բանում միավորվելու պայքարը հանգեցնում է ընկերակցություններ և այնպիսի աշխարհ ստեղծելու կարողությանը, որում յուրաքանչյուր մարդ ունի սեփական նպատակի զգացողությունը։
Նյութը հրապարակման պատրաստեց 168.am-ը
