Տպել
ՖԻՖԱ-ի պաշտոնական կայքը ներկայացրել է դասակարգման թարմացված աղյուսակը, որում Հայաստանի ազգային հավաքականը նահանջել և զբաղեցրել է 73-րդ հորիզոնականը:
Դասակարգման աղյուսակը գլխավորել է Գերմանիայի ընտրանին, որը վերջերս նվաճել էր Կոնֆեդերացիաների գավաթի հաղթողի կոչումը: Երկրորդ տեղում է Բրազիլիան, իսկ լավագույն եռյակը եզրափակում է Արգենտինան:
Ռուսաստանը զբաղեցրել է 62-րդ, Թուրքիան՝ 33-րդ, Վրաստանը՝ 112-րդ, Ադրբեջանը՝ 80-րդ, Իրանը՝ 23-րդ հորիզոնականը:
Լավագույն տասնյակն ունի հետևյալ տեսքը.
1. Գերմանիա՝ 1609 միավոր
2. Բրազիլիա՝ 1603
3. Արգենտինա՝ 1413
4. Պորտուգալիա՝ 1332
5. Շվեյցարիա՝ 1329
6. Լեհաստան՝ 1319
7. Չիլի՝ 1250
8. Կոլումբիա՝ 1208
9. Ֆրանսիա՝ 1199
10. Բելգիա՝ 1194
Աշխարհի 2018թ. առաջնության որակավորման փուլի E խմբում Հայաստանի մրցակիցները զբաղեցրել են հետևյալ հորիզոնականները.
Լեհաստան՝ 6-րդ տեղ
Ռումինիա՝ 42
Դանիա՝ 47
Մոնտենեգրո՝ 54
Ղազախստան՝ 106
Ամբողջական ցուցակը՝ այստեղ:
Հիշեցնենք, որ վարկանիշային աղյուսակի հաջորդ թարմացումը կլինի օգոստոսի 10-ին:
