Բրիտանացին ինքն իրեն վիրահատել է
Advertisement 1000 x 90

Բրիտանացին ինքն իրեն վիրահատել է

Տասնհինգ տարի առաջ Գրեհեմ Սմիթի աղիները վիրահատել էին, ինչից հետո հիվանդի մարմնում 20 սմ կար էր մնացել: Վիրահատությունից կարճ ժամանակ անց Սմիթը սկսել էր ուժեղ ցավեր զգալ, սակայն բողոքով հիվանդանոցին էր դիմել  միայն 2011 թ., երբ թելի  հատված էր նկատել, որը դուրս էր ցցված մաշկից: Այդ ժամանակ բժիշկը չի կարողացել զննել հիվանդին, որովհետև հիվանդանոցը չեղարկել է այցը:

Գրեհեմ Սմիթի վիճակը վատացել է և հիվանդը, որն այդպես էլ չէր կարողացել բժշկի մոտ հայտնվել, որոշել է ինքնուրույն հանել կարերը: Վիրահատության անցկացման համար նա մի քանի գործիք է պատրաստել` փոփոխելով ատամնաբուժական տիտանե պարագաները, որոնք նրա համար ճարել է ատամնաբույժ ընկերը:  Նա ստիպված է եղել նեյլոնե թելերի վրա առաջացած շատ հանգույցներ քանդել: Այսպես` ընդամենը 8 մմ-անոց մի հատվածում նա  12 հանգույց է հաշվարկել: Այժմ Գրեհեմ Սմիթն իրեն լավ է զգում:

Էյնթրիի հիվանդանոցի ներկայացուցիչներն ասել են, որ իրենք հիվանդի հետ շփվել են, նախքան նա կորոշեր ինքնուրույն վիրահատություն կատարել և երկուշաբթի հիվանդանոցում նրա համար ընդունելություն են նշանակել: Իսկ այժմ նրանք պատրաստ են զննել տղամարդուն և անհրաժեշտության դեպքում օգնություն տրամադրել:

Վիրաբույժների թագավորական ընկերակցության մամուլի քարտուղարը հիվանդներին թախանձագին խնդրում է հրաժարվել ինքնուրույն վիրահատություններ կատարելուց: Անհրաժեշտ նախապատրաստության բացակայության դեպքում դա կարող է լուրջ բարդությունների հանգեցնել: