Տպել
Առաջին անգամ Հայաստանում հուլիսի 19-ին Orange Fitness ակումբի մարզիչ Մանվել Մամոյանը 30 րոպեում միաժամանակ Գինեսի համաշխարհային չորս ռեկորդ սահմանեց՝ ապահովելով հետևյալ արդյունքները.
- մեկ ձեռքով և մեկ ոտքով հենում/ծալում՝ 36 հատ` մեկ րոպեում՝ գերազանցելով Միացյալ Նահանգների ներկայացուցչի ցուցանիշը,
- ուղղահայաց դիրքով հենում/ծալում՝ 41 հատ՝ գերազանցելով Գերմանիայի ներկայացուցչի ցուցանիշը (առավելագույն քանակ կատեգորիա)
- ուղղահայաց դիրքով հենում/ծալում՝ 41 հատ` 41 վայրկյանում՝ գերազանցելով Գերմանիայի ներկայացուցչի ցուցանիշը (մեկ րոպեում առավելագույն քանակ կատեգորիա)
- թռիչքներով կքանիստ՝ 67 հատ` մեկ րոպեում (ռեկորդակրի տվյալները դեռևս հրապարակված չեն):
Հարցազրույցի ընթացքում Մ. Մամոյանը նշեց. «Շնորհակալ եմ Orange Fitness ակումբին միջոցառումը կազմակերպելու և ինձ աջակցելու համար: «Օրանժը» տվեց ինձ բոլոր հնարավորությունները այս հաջողություններին հասնելու համար ու հետագայում էլ աջակցելու է, որ մնացած ռեկորդները գրանցեմ և, եթե Աստված հաջողի, կդառնամ Գինեսի գրքում բացարձակ ռեկորդակիր, ինչի համար հարկավոր է 73-ից ավելի ռեկորդներ գրանցել»։
Այսպիսով, Orange Fitness պրեմիում ակումբը ևս մեկ անգամ ընդգծեց իր մարզչական կազմի առավելությունը՝ ապահովելով իր մարզիչներին ոչ միայն հաճախորդներին ֆիթնեսի նորագույն մեթոդներով մարզելու հնարավորություններ, այլ նաև մասնագիտական աճ և նոր հաղթանակներ:
