Ադրբեջանի հիվանդանոցներից մեկում ուժգին հրդեհ է բռնկվել. տասնյակ հիվանդներ տարհանվել են
Advertisement 1000 x 90

Ադրբեջանի հիվանդանոցներից մեկում ուժգին հրդեհ է բռնկվել. տասնյակ հիվանդներ տարհանվել են

Ադրբեջանի Եվլախի շրջանի կենտրոնական հիվանդանոցում հուլիսի 27-ին  ուժգին հրդեհ է բռնկվել:

Այս մասին, ինչպես հաղորդում է «Արմենպրես»-ը, հայտնում է ադրբեջանական Gununsesi.info-ն:

Կրակի բռնկման հատվածում եղել է 35-ից 40 հիվանդ, այդ թվում՝ մանկահասակ երեխաներ, որոնք անմիջապես տարհանվել են:

Հիվանդանոցի բուժանձնակազմի հաղորդմամբ` հրդեհի  բռնկման ժամանակ 3 հիվանդ գտնվել են վիրահատական սեղանին, և բժիշկները ստիպված են եղել կիսատ թողնել վիրահատությունները:

Այս հիվանդներն անմիջապես տեղափոխվել են Մինգաչևիրի քաղաքային հիվանդանոց, վիրահատական գործողությունները շարունակելու համար:

Հրդեհի պատճառները դեռևս հայտնի չեն, ընթանում է հետաքննություն:

Ադրբեջանի Լերիկի շրջանի Պիրա գյուղում գտնվող թռչնաբուծական ֆաբրիկայում հուլիսի 27-ին  ուժգին պայթյուն էր որոտացել:

դրբեջանի արտակարգ իրավիճակների նախարարության աշխատակցի փոխանցմամբ` պայթյունի հետևանքով 1 մարդ զոհվել էր, 2-ը` վիրավորվել: